პაველ კირილენკო - რუსეთი თავს უყრის ძალებს სლავიანსკში და ცდილობს მარიუპოლისა და სევეროდონეცკის სცენარი გაიმეოროს
რუსული ჯარები თავს უყრიან ძალებს სლავიანსკის მიმართულებით, ისინი არ ცვლიან ტაქტიკას და შეეცდებიან მარიუპოლისა და სევეროდონეცკის სცენარი გაიმეორონ. ამის შესახებ რეგიონული ადმინისტრაციის ხელმძღვანელმა პაველ კირილენკომ განაცხადა.
„ჩვენ ვაკვირდებით ცოცხალი ძალის, მძიმე ჯავშანტექნიკის და არტილერიის თავმოყრას სლავიანსკის მიმართულებით. მტერი იყენებს თავის ტაქტიკას და ცდილობს მიუახლოვდეს ჩვენს თავდაცვის ხაზს, რათა გარდა რაკეტებისა და თვითმფრინავებისა, რომლებსაც სისტემატურად იყენებენ დონბასში, გამოიყენონ ქვემეხი არტილერია ქალაქის დაბომბვისთვის.
რუსები არ ცვლიან ტაქტიკას, ჩვენ ვნახეთ, რა მოხდა ჩვენს მშობლიურ მარიუპოლში და სევეროდონეცკში, ამიტომ ვემზადებით ნებისმიერი სცენარისთვის სლავიანსკთან.
ვაკეთებთ ყველაფერს იმისათვის, რომ მტერმა არ გამოიყენოს ასეთი ტაქტიკა. ჩვენ მზად ვართ და ვიდგები, ვიდრე საჭირო იქნება“, - განაცხადა კირილენკომ.
