ოლაფ შოლცი - “დიდი შვიდეულის“ ლიდერები გლობალური ეკონომიკური კრიზისით შეშფოთებულები არიან

“დიდი შვიდეულის“ ლიდერები შეშფოთებულები არიან მოსალოდნელი ეკონომიკური კრიზისით, რადგან ზრდა შენელებულია და ინფლაცია იზრდება, - Reuters-ის ინფორმაციით, ამის შესახებ გერმანიის კანცლერმა, ოლაფ შოლცმა “დიდი შვიდეულის“ გერმანიაში მიმდინარე სამიტზე განაცხადა.

„ყველა წევრი შეშფოთებულია იმ გლობალური კრიზისით, რომელსაც ვუპირისპირდებით - ზოგიერთ ქვეყანაში ეკონომიკური ზრდის ტემპის დაცემა, ინფლაციის ზრდა, ნედლეულის დეფიციტი, მიწოდების შეფერხება - ეს არ არის პატარა გამოწვევები“, - აღნიშნა შოლცმა.

შეგახსენებთ, „დიდი შვიდეულის“ სამდღიანი სამიტი გუშინ გერმანიაში, ბავარიის ალპებში, გარმიშ-პარტენკირხენის რაიონში მდებარე ელმაუს ციხესიმაგრეში გაიხსნა.

v-if="article.gallery" v-html="article.gallery"

თემა:ომი უკრაინაში