მარიუპოლის მერის მრჩეველი - მარიუპოლში, შენობების შემოწმებისას, დაბომბვის შედეგად დაღუპულთა 100-ზე მეტი ცხედარი იპოვეს - მათ ამოყვანასა და დაკრძალვას არავინ გეგმავს
მარიუპოლში რუსი ოკუპანტების დაბომბვის შედეგად დაღუპულთა 100-ზე მეტი ცხედარი იპოვეს, - ამის შესახებ მარიუპოლის მერის მრჩეველმა, პეტრო ანდრიუშჩენკომ განაცხადა.
მისი თქმით, ცხედრები ჯერ კიდევ ნანგრევების ქვეშ არიან და მათ ამოყვანასა და დაკრძალვას არავინ გეგმავს.
„მარიუპოლში, ლევობერეჟნის რაიონში შენობების შემოწმებისას, დაბომბვის შედეგად დაღუპულთა 100-ზე მეტი ცხედარი იპოვეს სახლში, რომელსაც ბომბი მოხვდა. ცხედრები ჯერ კიდევ ნანგრევების ქვეშაა და მათ ამოყვანასა და დაკრძალვას არავინ გეგმავს“, - განაცხადა მერის მრჩეველმა.
