ლუგანსკის რეგიონული სამხედრო ადმინისტრაციის ხელმძღვანელის, სერგეი გაიდაის ინფორმაციით, რუსულმა ძალებმა უკრაინის აღმოსავლეთით მდებარე ქალაქი ლისიჩანსკი "ურაგანის" ტიპის მრავალჯერადი სარაკეტო სისტემებით დაბომბეს, რის შედეგადაც რვა ადამიანი დაიღუპა. ამის შესახებ ინფორმაცია უკრაინულ მედიაში ვრცელდება.

"დღეს, ლისიჩანსკში როდესაც მშვიდობიანი მოსახლეობა წყალს იღებდა სატვირთო ტანკერიდან, რუსებმა "ურაგანით" ხალხს ცეცხლი გაუხსნეს", - წერს გაიდაი.

მისივე თქმით, ლისიჩანსკის რვა მცხოვრები დაიღუპა და 21 ადამიანი საავადმყოფოშია გადაყვანილი.