რუსეთის მიერ უკრაინაზე ბოლო დროს განხორციელებული სარაკეტო დარტყმების გამო, კიევი გაერო-ს უშიშროების საბჭოს საგანგებო სხდომის გამართვას ითხოვს, - ინფორმაციას BBC-ი ალბანეთის მისიაზე დაყრდნობით ავრცელებს, რომელიც ამჟამად გაერო-ს უშიშროების საბჭოს თავმჯდომარე ქვეყანას წარმოადგენს.

მათივე ინფორმაციით, სხდომაზე მთავარი განსახილველი საკითხი იქნება კრემენჩუკის სავაჭრო ცენტრზე რუსეთის მიერ განხორციელებული სარაკეტო იერიში.

ამასთან, სხდომაზე ასევე განიხილავენ კვირას კიევში განხორციელებულ დაბომბვას, რომელსაც მსხვერპლი მოჰყვა.

გაერო-ს უშიშროების საბჭოს სხდომის გამართვა დღეს საღამოს იგეგმება.