რუსეთის სამხედრო ძალების მიერ უკრაინის პოლტავის ოლქის ქალაქ კრემენჩუკის სავაჭრო ცენტრზე 27 ივნისს განხორციელებული სარაკეტო იერიშის შედეგად დაღუპულთა ხსოვნის პატივსაცემად ქალაქის მერმა 28, 29 და 30 ივნისი გლოვის დღეებად გამოაცხადა. ინფორმაციას უკრიანული მედია ავრცელებს.

ბოლო მონაცემებით, თავდასხმას 18 ადამიანი ემსხვერპლა, 36 კი დაკარგულად ითვლება. სავაჭრო ცენტრის ნანგრევებში სამძებრო-სამაშველო ოპერაცია ამ დრომდე გრძელდება.

უკრაინის პრეზიდენტმა ვოლოდიმირ ზელენსკიმ სავაჭრო ცენტრზე სარაკეტო დარტყმას ტერაქტი უწოდა. ზელენსკის განცხადებით, ეს იყო არა შეცდომა, არამედ რუსეთის მიერ წინასწარ გამიზნული ქმედება.