შალვა პაპუაშვილი კითხვაზე, მოსალოდნელია თუ არა ივანიშვილისთვის სანქციების დაწესება - რამდენმა ადამიანმაც ან ორგანიზაციამაც არ უნდა თქვას, თეთრი ვერ გახდება შავი

ერთი რამ უნდა ვიცოდეთ - რამდენმა ადამიანმაც ან ორგანიზაციამაც არ უნდა თქვას, თეთრი ვერ გახდება შავი, - ასე უპასუხა საქართველოს პარლამენტის თავმჯდომარემ, შალვა პაპუაშვილმა ჟურნალისტებს კითხვას, მოსალოდნელია თუ არა ყოფილი პრემიერ-მინისტრისთვის, ბიძინა ივანიშვილისთვის სანქციების დაწესება.

როგორც პაპუაშვილმა აღნიშნა, კონკრეტული პირები თუ ორგანიზაციები, ვინც ამ მოთხოვნით არგუმენტების გარეშე გამოდიან, ზიანს საკუთარ რეპუტაციას აყენებენ.

„ერთი რამ უნდა ვიცოდეთ, რომ რამდენმა ადამიანმაც ან ორგანიზაციამაც არ უნდა თქვას, თეთრი ვერ გახდება შავი. ასე რომ, აქ მთავარი არის ის, ვინ რას ამბობს, მთავარია იმის უკან არსებობს თუ არა რაიმე არგუმენტი. როდესაც არგუმენტების გარეშეა ნათქვამი და კეთდება განცხადებები, პირიქით, იქნება ეს ადამიანი თუ ორგანიზაცია, საკუთარ რეპუტაციას აყენებს ზიანს. რაც არ უნდა ბევრმა გააკეთოს განცხადება, თეთრს ვერ დაარქმევენ შავს, თეთრი არის ყოველთვის თეთრი“, - განაცხადა პაპუაშვილმა.

შეგახსენებთ, რომ ყოფილი პრემიერ-მინისტრისთვის, ბიძინა ივანიშვილისთვის პირადი სანქციების დაწესების საკითხზე მსჯელობისკენ თავდაპირველად ევროპარლამენტმა ევროპულ საბჭოს მოუწოდა. ევროპარლამენტმა აღნიშნულის შესახებ იმ რეზოლუციაში ისაუბრა, რომელიც 9 ივნისს მიიღო და საქართველოში მედიის თავისუფლებისა და ჟურნალისტების უსაფრთხოების დარღვევებს ეხება. მოგვიანებით, ბიძინა ივანიშვილისთვის სანქციების დაწესების მოთხოვნას სხვადასხვა პირები და ორგანიზაციებიც შეუერთდნენ.

ბიძინა ლებანიძე - სრულიად გაუგებარია, ან ხელისუფლების მხარდამჭერებს რა უხარიათ და ან ხელისუფლების ოპონენტებს, რეალურად, მნიშვნელოვანი ცვლილება ევროპარლამენტის არჩევნების შედეგად არ მომხდარა
მირიან მირიანაშვილი - ხელისუფლების პოლიტიკურ ელიტას პოლიტიკური კომპასი აერია და შეუქცევადად მცდარი დასკვნების სამყაროში შევიდა
ქართული პრესის მიმოხილვა 10.06.2024
„მოირგე დრო“ -  დეველოპერული კომპანია „ბიოგრაფი ლივინგის“ ახალი საკომუნიკაციო კამპანია
ტურბომიკრონ G - დაივიწყეთ ვენური პრობლემები
თბილისში „ბარამბოს“ სანაყინე ჯიხურები გაიხსნა
გაიაქტიურე სილქნეტის 90-დღიანი პაკეტები მთელი ზაფხულისთვის
ისრაელის ელჩი ჰადას მეიცადი - ის, ვინც იწყებს ომს და შემდეგ აგებს, არ არის მსხვერპლი