რუსეთის პრეზიდენტმა ვლადიმერ პუტინმა ინდონეზიელ კოლეგასთან, მოსკოვში გამართლ ერთობლივ პრესკონფერენციაზე დასავლეთი ნებისმიერ პოტენციურ გლობალურ სასურსათო კრიზისში დაადანაშაულა.
„არაერგზის აღვნიშნეთ, რომ სურსათის ბაზრების დისბალანსი არის რიგი ქვეყნების მრავალწლიანი უპასუხისმგებლო ეკონომიკური პოლიტიკის, უკონტროლო ემისიისა და არაუზრუნველყოფილი ვალების დაგროვების პირდაპირი შედეგი და მდგომარეობა გაუარესდა კორონავირუსის პანდემიის დაწყებიდან. თუმცა, დასავლეთის ქვეყნებს, არ სურთ აღიარონ თავიანთი ეკონომიკური კურსის მცდარობა, ისინი კიდევ უფრო ახდენენ გლობალური სოფლის მეურნეობის წარმოების დესტაბილიზაციას რუსული და ბელორუსული სასუქების მიწოდებაზე შეზღუდვების დაწესებით,” - აღნიშნა რუსეთის პრეზიდენტმა.
ინდონეზიის პრეზიდენტმა ჯოკო ვიდოდომ კი განაცხადა, რომ მის ქვეყანას უკრაინაში მიმდინარე ომი მალე დასრულება სურს.
„მიუხედავად იმისა, რომ გარე სიტუაცია ჯერ კიდევ რთულია, მაინც მნიშვნელოვანია [კონფლიქტის] მოგვარებისა და ღია დიალოგისკენ გადასვლა. მოვუწოდებ მსოფლიოს ყველა ლიდერს, აღადგინონ თანამშრომლობის სულისკვეთება“, - განაცხადა ინდონეზიის ლიდერმა პუტინთან ერთობლივ პრესკონფერენციაზე.
კრემლის ლიდერმა ინდონეზიელ კოლეგასთან შეხვედრის შემდეგ აღნიშნა, რომ მოლაპარაკებები პროდუქტიული იყო.„დარწმუნებული ვარ, რომ დღეს მიღწეული შეთანხმებები კიდევ უფრო გააძლიერებს რუსეთ-ინდონეზიის პარტნიორობას“,- დასძინა პუტინმა.