ოდესის ოლქში სარაკეტო თავდასხმა განხორციელდა, ნანგრევებიდან 10 ცხედარი ამოიყვანეს

ოდესის ოლქში რუსულმა ძალებმა მრავალსართულიან საცხოვრებელ კორპუსსა და რეკრეაციული ცენტრზე სარაკეტო დარტყმა განახორციელეს, რის შედეგადაც ბევრი ადამიანი დაიღუპა და დაშავდა, - ინფორმაციას უკრაინული მედია ოპერატიულ სარდლობა “სამხრეთზე“ დაყრდნობით ავრცელებს.

„ოდესის ოლქში სტრატეგიული თვითმფრინავით შავი ზღვის მიმართულებით სარაკეტო შეტევა განხორციელდა. ერთი რაკეტა მოხვდა 9-სართულიან საცხოვრებელ კორპუსს, მეორე - სარეკრეაციო ცენტრს ბელგოროდ-დნესტრის რაიონში. კორპუსის ერთი სადარბაზო მთლიანად დანგრეულია, - ნათქვამია განცხადებაში.

მათივე ცნობით, მაშველებმა ნანგრევებიდან 10 დაღუპულის ცხედარი ამოიყვანეს. 7 დაშავებულს, მათ შორის 3 ბავშვს, სამედიცინო დახმარება აღმოუჩინეს.

გრძელდება ნანგრევების გაწმენდა და ასევე, სახლთან მდებარე მაღაზიაში გაჩენილი ხანძრის წინაღმდეგ ბრძოლა.

"რეკრეაციულ ცენტრში ხანძარი არ დაფიქსირებულა, მხოლოდ ნგრევაა. არიან დაშავებულები, მათი რაოდენობა ზუსტდება", - აცხადებენ სარდლობაში.

მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს