აშშ-მა გამოაცხადა, რომ უკრაინას დამატებით 820 მილიონი დოლარის სამხედრო დახმარებას გაუწევს
აშშ-მა გამოაცხადა, რომ უკრაინას დამატებით 820 მილიონი დოლარის სამხედრო დახმარებას გაუწევს. ამის შესახებ ინფორმაცია დასავლურ მედიაში ვრცელდება.
მედიის ცნობით, დახმარების ახალი პაკეტი სარაკეტო სისტემებსა და რადარებს მოიცავს. პენტაგონმა ასევე გამოაცხადა, რომ უკრაინელებს საარტილერიო საბრძოლო მასალებსაც მიაწვდიან.
აღნიშნული პაკეტი არის რიგით მე-14 სამხედრო დახმარების პაკეტი, ხოლო საერთო ჯამში, აშშ-მა უკრაინას 8,8 მილიარდ დოლარზე მეტი ღირებულების სამხედრო დახმარება გაუწია.
როგორც მედია იუწყება, როგორც ახალი დახმარების პაკეტის ნაწილი, აშშ შეისყიდის ორ სისტემას, რომელიც ცნობილია როგორც NASAMS-ი, ნორვეგიის მიერ შემუშავებული საზენიტო სისტემა, რომელიც ასევე გამოიყენება თეთრი სახლისა და ვაშინგტონის კაპიტოლიუმის გარშემო, საჰაერო სივრცის დასაცავად. გარდა ამისა, პენტაგონი უკრაინას HIMARS-ებითაც დაეხმარება.
v-if="article.gallery" v-html="article.gallery"
