პრორუსი სეპარატისტები აცხადებენ, რომ ლუგანსკის რეგიონის ქალაქ ლისიჩანსკზე კონტროლი დაამყარეს, თუმცა უკრაინის ეროვნული გვარდიის პრეს-სპიკერმა რუსლან მუზიჩუკმა ერთ-ერთ უკრაინულ ტელეარხს განუცხადა, რომ ქალაქი ჯერ კიდევ უკრაინის კონტროლის ქვეშაა.

„ახლა სასტიკი ბრძოლები მიმდინარეობს ლისიჩანსკის მახლობლად, თუმცა, საბედნიეროდ, ქალაქი არ არის გარშემორტყმული და ის უკრაინის არმიის კონტროლის ქვეშაა“, - განაცხადა მუზიჩუკმა.

რუსულმა მედიამ აჩვენა კადრები, სადაც ასახულია სეპარატისტების მიერ ლისიჩანსკის ქუჩებში მსვლელობა, რა დროსაც ისინი დროშებს აფრიალებენ.