უკრაინის თავდაცვის სამინისტროს პრესსპიკერ, იური საკის განცხადებით, დობნასის რეგიონში ,,თამაში არ დასრულდება“ , იმ­ შემთხვევაშიც კი თუ რუსეთი მთელს ლუგანსკს აიღებს.

მისი თქმით, არის „სხვა დიდი ქალაქები დონბასში, განსაკუთრებით დონეცკის რეგიონში“, რომლებიც უკრაინის შეიარაღებული ძალების კონტროლის ქვეშაა.

„ეს ის ქალაქებია, რომლებიც ბოლო რამდენიმე დღის განმავლობაში სასტიკი სარაკეტო თავდასხმების, საარტილერიო დაბომბვის სამიზნე იყო“, - აღნიშნა სპიკერმა და დასძინა, რომ ,,დონბასისთვის ბრძოლა ჯერ არ დასრულებულა“.

საკიმ აღნიშნა, რომ უკრაინას დასავლელი მოკავშირეებისგან დახმარების იმედი აქვს და ქვეყანა საბოლოოდ დააგროვებს მძიმე არტილერიის და სხვა ტიპის შეიარაღების საკმარის რაოდენობას, რაც საშუალებას მისცემს მათ, გაათავისუფლონ მიწები.