უკრაინამ თავად უნდა გადაწყვიტოს, როდის დაჯდეს რუსეთთან მოლაპარაკების მაგიდასთან, დასავლელი პარტნიორები კიევს არ უბიძგებენ, - მედიის ინფორმაციით, ამის შესახებ გერმანიის ფედერალურმა პრეზიდენტმა ფრანკ-ვალტერ შტაინმაიერმა განაცხადა.

„როგორ დასრულდება ომი, ეს საკითხი ღიაა. ახლა ომი ბრძოლის ველზე მიმდინარეობს, მაგრამ მოლაპარაკების პერსპექტივა არსებობს. მხოლოდ უკრაინის გადასაწყვეტია, როდის დაჯდეს მოლაპარაკების მაგიდასთან,“- აღნიშნა გერმანიის პრეზიდენტმა.

მან ასევე ხაზი გაუსვა, რომ გერმანია მზადაა მხარი დაუჭიროს უკრაინას, რათა მას მოლაპარაკებების დაწყებისას მტკიცე პოზიცია ჰქონდეს.