საქართველოს გაზის ტრანსპორტირების კომპანია ახალგორის გგს-ში სარემონტო-სარეაბილიტაციო სამუშაოებს განახორციელებს
„საქართველოს გაზის ტრანსპორტირების კომპანია“ 5 ივლისს, ახალგორის გაზგამანაწილებელ სადგურში სარემონტო-სარეაბილიტაციო სამუშაოებს განახორციელებს.
კომპანიის ცნობით, აღნიშნული ვითარების გათვალისწინებით, 5 ივლისს, 09:00 საათიდან 16:00 საათამდე ბუნებრივი გაზის მიწოდება მცხეთის მუნიციპალიტეტის შემდეგ სოფლებს შეუწყდება: ბაქაქურები, ირტოზა, ოძისი, ქსოვრისი, ჭაშა.
ბუნებრივი გაზის მიწოდება გამორთულ გაზგამანაწილებელ სადგურში სამუშაოების დასრულებისთანავე აღდგება, ხოლო მოსახლეობისთვის ბუნებრივი გაზის მიწოდებას შესაბამისი გაზგამანაწილებელი კომპანია ეტაპობრივად განახორციელებს.
კომპანიის განცხადებით, “საქართველოს გაზის ტრანსპორტირების კომპანია” გაზსადენებისა და გაზგამანაწილებელი სადგურების სარემონტო-სარეაბილიტაციო სამუშაოებს სისტემატურად ახორციელებს, რაც მომხმარებლების უსაფრთხო, საიმედო და უწყვეტ გაზმომარაგებას უზრუნველყოფს.
v-if="article.gallery" v-html="article.gallery"
