პარტია „ქართული ოცნების“ თავმჯდომარის ირაკლი კობახიძის განცხადებით, აქცია „შინ ევროპისკენ“ ორგანიზატორებს აქციების ჩატარების არავითარი რესურსი არ აქვთ, რადგან მათ ხალხი ზურგს არ უმაგრებთ.

როგორც კობახიძემ ჟურნალისტებთან აღნიშნა, თუ ხალხის მხარდაჭერა არ აქვთ, ვერავითარ რევოლუციას ვერ მოაწყობენ.

„ეს არის ის, რაშიც ეს ადამიანები ბაკურიანში დაატრენინგეს, როცა აკერმანი იყო ჩამოსული, ის არის რევოლუციების ექსპერტი, თუმცა ისინი ერთ რამეს უშვებენ მხედველობიდან, ამ ყველაფერს მაინც სჭირდება ერთი რამ, ეს არის ხალხის მხარდაჭერა. თუ ხალხის მხარდაჭერა ზურგს არ გიმაგრებს, ამ შემთხვევაში ვერანაირი ტრენინგი ვერ გიშველის. როგორც არ უნდა დაგატრენინგოს ვიღაც ჩამოსულმა უცხოელმა იმაში, თუ როგორ უნდა მოაწყო რევოლუცია, თუ ხალხი ზურგს არ გიმაგრებს, ვერავითარ რევოლუციას ვერ მოაწყობ. ამას უშვებენ მხედველობიდან და თვითონ იყენებენ საკუთარ თავს ისეთ მდგომარეობაში, რომელშიც მაგალითად, გუშინ ჩაიყენეს. მათ არავითარი რესურსი არ აქვთ ერთი მარტივი მიზეზი გამო - ხალხის მხარდაჭერა ზურგს არ უმაგრებთ“, - განაცხადა კობახიძემ.