სასამართლომ "უკრაინის კომუნისტური პარტიის" საქმიანობა აკრძალა. ინფორმაციას უკრაინული მედია ავრცელებს.
მათივე ცნობით, მოსამართლეთა კოლეგიამ დღეს დაასრულა "უკრაინის კომუნისტური პარტიის" აკრძალვის შესახებ ადმინისტრაციული საქმის განხილვა.
„სასამართლომ დააკმაყოფილა უკრაინის იუსტიციის სამინისტროს სარჩელი: აკრძალულია "უკრაინის კომუნისტური პარტიის" საქმიანობა. პარტიის ქონება, ფულადი სახსრები და სხვა აქტივები, მისი რეგიონული, საქალაქო, რაიონული ორგანიზაციები და სხვა სტრუქტურული ორგანიზაციები სახელმწიფოს საკუთრებაში გადაეცა“, - ნათქვამია სასამართლოს მიერ გავრცელებულ განცხადებაში.
სასამართლოს განცხადებით, "კომუნისტური პარტიის" აკრძალვის შესახებ გადაწყვეტილების სრული ტექსტი უკრაინის იუსტიციის სამინისტროსა და უკრაინის უმაღლესი რადას ოფიციალურ ვებგვერდებზე გამოქვეყნდება.