მიშელ ბაჩელეტი - უაზრო ომის ყველა მსხვერპლის სახელით უნდა შეწყდეს მკვლელობები

გაერო-ს ადამიანის უფლებათა უმაღლესმა კომისარმა მიშელ ბაჩელეტმა უკრაინაში რუსეთის "უაზრო ომი" დაგმო და მოითხოვა შეწყდეს მშვიდობიანი მოსახლეობის "აუტანელი" ტანჯვა.

„საომარი მოქმედებების მეხუთე თვეში შევდივართ, უკრაინაში კონფლიქტის აუტანელი დანაკარგი მატულობს. ამ უაზრო ომის ყველა მსხვერპლის სახელით უნდა შეწყდეს მკვლელობები, წამება, თვითნებური დაკავება“, - განაცხადა ბაჩელეტმა გაეროს ადამიანის უფლებათა საბჭოში გამოსვლისას.

გაეროს უმაღლესმა კომისარმა უკრაინაში რუსეთის შეჭრის შემდეგ, ქვეყანაში ადამიანის უფლებების მდგომარეობის შესახებ ანგარიში წარადგინა, რომელიც 24 თებერვლიდან 15 მაისამდე პერიოდს მოიცავს.

"სამოქალაქო მსხვერპლის დიდი რაოდენობა და სამოქალაქო ინფრასტრუქტურისთვის მიყენებული ნგრევის სიდიდე მნიშვნელოვან შეშფოთებას იწვევს“, - აღნიშნა ბაჩელეტმა.

გაეროს ადამიანის უფლებათა უმაღლესი კომისრის განცხადებით, რუსეთის შეიარაღებული ძალების მიერ უკრაინაში განხორციელებული თავდასხმები არ შეესაბამება საერთაშორისო ჰუმანიტარულ სამართალს.

ბაჩელეტმა უკრაინის შეიარაღებულ ძალებზე საუბრისას კი აღნიშნა, რომ გაცილებით დაბალი მასშტაბის მიუხედავად, ასევე ჩანს, რომ, ქვეყნის აღმოსავლეთ ნაწილში, უკრაინელი სამხედროები სრულად არ დაემორჩილნენ საერთაშორისო ჰუმანიტარულ სამართალს.

ირაკლი მელაშვილი - ხელისუფლებასა და ოპოზიციას შორის რაიმე იდეოლოგიური კომპრომისის ადგილი ფაქტობრივად აღარ არსებობს, არჩევანია ან აქეთ - ევროპისკენ, ან იქით - რუსეთისკენ
ქართული პრესის მიმოხილვა 18.07.2024
გაზმომარაგების უმსხვილესმა კომპანია, „თბილისი ენერჯიმ“ BDO Digital-თან პარტნიორობით კიბერ და ინფორმაციული უსაფრთხოების საერთაშორისო სტანდარტი, ISO/IEC 27001:2022 დანერგა
საქართველოს უნივერსიტეტის ჯანმრთელობის მეცნიერებების სკოლა
ახალი „ლენდ კრუიზერ პრადო“ - ლეგენდის თანამედროვე გაგრძელება
20 ივლისიდან სილქნეტი ოპტიკური ინტერნეტის სიჩქარეებს გაზრდის
კავკასიის ტექნოლოგიების სკოლა და კომპანია „პარვუს ჯგუფი“ აბიტურიენტებს და დაინტერესებულ პირებს ენერგეტიკისა და ელექტროინჟინერიის ახალი საბაკალავრო პროგრამის პრეზენტაციაზე იწვევს
კავკასიის მედიცინის ცენტრი JCI აკრედიტებული პირველი მულტიპროფილური რეფერალური ჰოსპიტალი გახდა ქვეყანაში
მეხუთე თაობის „სანტა ფე“ - მზად ნებისმიერი თავგადასავლისთვის