დონეცკის ოლქში, რუსეთის მიერ განხორციელებულ დაბომბვას, გასული დღის განმავლობაში, კიდევ 6 ადამიანი ემსხვერპლა, - უკრაინული მედიის ცნობით, ამის შესახებ დონეცკის რეგიონალური სამხედრო ადმინისტრაციის ხელძღვანელი, პავლო კირილენკო იუწყება.

"რუსეთი კლავს მშვიდობიან მოსახლეობას! 7 ივლისს რუსებმა დონეცკის ოლქში 6 მშვიდობიანი მოქალაქე მოკლეს: კრამატორსკში, სლავიანსკში, ავდიივკაში, სევერსკში, პოკროვსკესა და ორლოვკაში. დაშავდა კიდევ 21 ადამიანი",- აცხადებს კირილენკო.

მისივე ინფორმაციით, უკრაინაში რუსეთის სრულმასშტაბიანი შეჭრის დაწყების შემდეგ დონეცკის ოლქში სულ მცირე 583 მშვიდობიანი მოქალაქე დაიღუპა და 1517 - დაშავდა. გუბერნატორი განმარტავს, რომ მარიუპოლსა და ვოლნოვახაში მსხვერპლის ზუსტი რაოდენობის დადგენა ამ ეტაპზე შეუძლებელია.