უკრაინის აღმოსავლეთით მდებარე ქალაქ სევეროდონეცკის სამხედრო ადმინისტრაციის ხელმძღვანელ ალექსანდრ სტრიუკის თქმით, ქალაქ სევეროდონეცკში ჰუმანიტარული ვითარება უახლოეს მომავალში კატასტროფული იქნება.
სტრიუკის თქმით, ქალაქის ინფრასტრუქტურის უმეტესი ნაწილი ვერ აღდგება და ამასთან სანიტარული პირობებიც საკმაოდ ცუდია. მისივე თქმით, საკმაოდ დაზიანებულია საკანალიზაციო სისტემები, სატუმბი სადგურები და წყალმიმღები.
"საცხოვრებლების 90% დაზიანებულია. 60% დანგრევასა და აღდგენას საჭიროებს", - განაცხადა სტრიუკმა.
სევეროდონეცკის ადმინისტრაციის ხელმძღვანელმა დასძინა, რომ ქალაქი და ბევრი მაღალსართულიანი შენობა თავიდან უნდა აშენდეს.