კანადამ რუს პროპაგანდისტებს და რუსეთის პატრიარქ კირილს სანქციები დაუწესა
კანადამ რუსეთის წინააღმდეგ სანქციების მორიგი პაკეტის შესახებ გამოაცხადა. აღნიშნული ინფორმაცია გერმანულ გამოცემა Deutsche Welle-ში ვრცელდება.
მედიის ცნობით, კანადის მიერ შემოღებულ სანქციებში „დეზინფორმაციის 30 აგენტი", ძირითადად რუსი პროპაგანდისტები და ასევე რუსეთის მართლმადიდებლური ეკლესიის პატრიარქი კირილი შედის.
კანადის მთავრობის თქმით, სანქციები ასევე დეზინფორმაციის გამავრცელებელ 15 რუსულ ერთეულსაც დაუწესდა, "უკრაინაში რუსეთის არაპროვოცირებული და გაუმართლებელი შეჭრის ხელშეწყობისა და მხარდაჭერისთვის".
ამასთან, კანადამ რუსეთიდან ოქროს იმპორტიც აკრძალა.
