გუბერნატორის ინფორმაციით, რუსებმა დონეცკში კიდევ 4 მშვიდობიანი მოქალაქე მოკლეს

რუსმა ოკუპანტებმა დონეცკის ოლქში, გასული დღის განმავლობაში, ოთხი მშვიდობიანი მოქალაქე მოკლეს - ამის შესახებ დონეცკის ოლქის გუბერნატორი, პავლო კირილენკომ „ტელეგრამზე“ იუწყება.

მისივე ცნობით, დაშავებულია კიდევ 8 სამოქალაქო პირი.

"12 ივლისს რუსებმა დონეცკის ოლქში 4 მშვიდობიანი მოქალაქე მოკლეს: 2 ავდიივკაში, 1 - ბახმუტში და 1 - ჩასოვ-იარში. კიდევ 8 ადამიანი დაშავდა", - აცხადებს გუბერნატორი.

მისივე თქმით, 24 თებერვლიდან დღემდე რუსი ოკუპანტების მიერ მოკლული მშვიდობიანი მოქალაქეების რაოდენობა 606-ია, დაშავებულია - 1 560 ადამიანი. გუბერნატორი აცხადებს, რომ მარიუპოლსა და ვოლნოვახაში მსხვერპლის ზუსტი რაოდენობის დადგენა ამ ეტაპზე შეუძლებელია.

ემილ ავდალიანი - არაბული ქვეყნებისთვის და ირანისთვის ახლო აღმოსავლეთის რეგიონთან ჩინეთის ურთიერთობის სუფთა წარსული მეტად მიმზიდველია
ქართული პრესის მიმოხილვა 28.03.2024
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს