რუსული და ე.წ. ლუგანსკის სახალხო რესპუბლიკის პრორუსული სეპარატისტული ძალები აცხადებენ, რომ უკრაინის დონბასის რეგიონის სივერსკის შემოგარენში შევიდნენ, - ამის შესახებ გაერთიანებული სამეფოს თავდაცვის სამინისტროს ყოველდღიური ანგარიშშია აღნიშნული.
უწყების ცნობით, რუსული ძალები ნელ-ნელა მიიწევენ დასავლეთისკენ და ახორციელებენ თავდასხმებს ლისიჩანსკიდან სივერსკის მიმართულებით, რათა გახსნან გზა სლოვიანსკისა და კრამატორსკისკენ.
„ბახმუტი, სავარაუდოდ, შემდეგი მიზანი იქნება, როგორც კი სივერსკი იქნება გარანტირებული“, - ნათქვამია ანგარიშში.
ამასთან, „ომის შესწავლი ინსტიტუტის” ცნობით, რუსეთი სავარაუდოდ ამზადებს უფრო ფართომასშტაბიან შეტევას სლოვიანსკი-სივერსკი-ბახმუტის ხაზის გასწვრივ. ამერიკულმა ანალიტიკურმა ცენტრმა განაცხადა, რომ რუსეთი აგრძელებს საბრძოლი პაუზას, რადგან, სავარაუდოდ ახორციელებს მზადებას უფრო გადამწყვეტი შეტევისთვის.