ევროკავშირი სანქციების მეშვიდე პაკეტში რუსული ოქროს იმპორტის შეზღუდვასაც გაითვალისწინებს

ევროკავშირის სანქციების მომდევნო პაკეტი რუსული ოქროს ექსპორტზე სანქციებსაც გაითვალისწინებს, - ამის შესახებ ევროკომისიის ხელმძღვანელის მოადგილემ, მაროს შეფჩოვიჩმა განაცხადა.

„ევროკავშირი შეისწავლის გზებს, რომლითაც შეგვიძლია სანქციების რეჟიმი დავაწესოთ ოქროზე, რომელიც მნიშვნელოვანი პროდუქტია რუსეთიდან ექსპორტისთვის“, - აღნიშნა შეფჩოვიჩმა.

„როგორც კი მივაღწევთ შეთანხმებას წევრი ქვეყნების დონეზე, გამოვაქვეყნებთ“, - დასძინა მან.

როგორც მედია წერს, ეს ნაბიჯი მოჰყვა გასულ თვეში „დიდი შვიდეულის“ შეხვედრაზე მიღწეულ შეთანხმებას, რუსეთიდან ოქროს ექსპორტის აკრძალვის შესახებ.