რუსეთის ფედერაციის მიერ უკრაინაში სრულმასშტაბიანი შეჭრის დაწყებიდან დღემდე რეგისტრირებულია 23 300-ზე მეტი აგრესიისა და ომის დანაშაული, - მონაცემებს უკრაინის გენერალური პროკურატურა „ტელეგრამში“ ავრცელებს.
უწყების ცნობით, რეგისტრირებულია 23 370 აგრესიისა და ომის დანაშაული, მათ შორის ომის კანონებისა და წეს-ჩვეულებების დარღვევა, აგრესიული ომის დაგეგმვა ან გაჩაღება და წარმოება, ომის პროპაგანდა და ა.შ.
გარდა ამისა, დაფიქსირდა 11 270 დანაშაული ეროვნული უსაფრთხოების წინააღმდეგ - უკრაინის ტერიტორიული მთლიანობისა და ხელშეუხებლობის ხელყოფა, კოლაბორაციული საქმიანობა, აგრესორი სახელმწიფოსთვის დახმარების აღმოჩენა, დივერსია და სხვა.