უკრაინელმა დამცველებმა ქვეყნის სამხრეთ ნაწილში, გასული დღის განმავლობაში, 47 რუსი აგრესორი, ასევე მნიშვნელოვანი რაოდენობით სამხედრო ტექნიკა, მათ შორის რვა ჰაუბიცა, გაანადგურეს, - ამის შესახებ ოპერატიული სარდლობა „სამხრეთი“ იტყობინება.
„ჩვენმა მოიერიშე თვითმფრინავმა მტრის პირად შემადგენლობასა და აღჭურვილობაზე დარტყმის განხორციელება ორჯერ მოახერხა ნოვოგრიგორევკასა და დავიდოვ ბროდში“, - აცხადებენ სარდლობაში.
მათივე ცნობით, მტერი ცდილობდა უკრაინის შეიარაღებული ძალების პოზიციებისთვის კახოვკას რაიონში კა-52 ტიპის ვერტმფრენებიდან ცეცხლის გახსნით ზარალი მიეყენებინა, მაგრამ წარმატებას ვერ მიაღწია და უკრაინელ სამხედროებს შორის დანაკარგები არ ყოფილა.
„მტრის დანაკარგები, ბოლო დღის განმავლობაში, არის: 47 სამხედრო, ექვსი Msta-B ჰაუბიცა, ორი 122 მმ-იანი ჰაუბიცა, T-62 ტანკი, რვა ჯავშანმანქანა და 14 საავტომობილო ტექნიკა“, - აცხადებენ ოპერატიულ სარდლობაში.