რუსულმა ძალებმა უგლეგორსკის თბოსადგურზე შეტევა განაახლეს

რუსულმა ძალებმა უგლეგორსკის თბოელექტროსადგურზე შეტევა განაახლეს, ბრძოლა გრძელდება, - ამის შესახებ უკრაინის შეიარაღებული ძალების გენერალური შტაბის ყოველდღიურ ანგარიშშია აღნიშნული.

მათივე ცნობით, დონეცკის მიმართულებით მტერმა ზაკეტნის, სივერსკის, გრიგოროვკას, ტატიანოვკას, დონეცკის და რაიგოროდოკის რაიონები დაბომბა. უკრაინელმა დამცველებმა წარმატებით მოიგერიეს ოკუპანტების თავდასხმა სპორნოე-ივანო-დარიევკას მიმართულებით.

„ბახმუტის მიმართულებით, მტერმა საჰაერო დარტყმები განახორციელა ბერესტოვოსა და ნიუ-იორკის დასახლებებთან. განახორციელა საარტილერიო დაბომბვა ბერესტოვოეს, სოლედარის, ზვანოვკასა და სემიგორიეს რაიონებში“, - აღნიშნულია ინფორმაციაში.

გენშტაბის ცნობით, უკრაინელმა სამხედროებმა ჩაახშვეს მტრის შტურმის მცდელობა დოლომიტნოე-ნოვოლუგანსკისა და დოლომიტნოე-სემიგორიეს მიმართულებებით.

„იგივე ბედი ეწიათ ოკუპანტებს როტა-ვერშინას მიმართულებით. მტერმა უკან დაიხია. გადაჯგუფების შემდეგ, მტერმა განაახლა შეტევა უგლეგორსკის თბოელექტროსადგურზე, ბრძოლა გრძელდება“, - ნათქვამია ინფორმაციაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა