ნიკოპოლში რუსული ძალების მიერ განხორციელებული დაბომბვის შედეგად საცხოვრებელი სახლები განადგურდა, - ამის შესახებ დნიპროპეტროვსკის საოლქო სამხედრო ადმინისტრაციის ხელმძღვანელი ვალენტინ რეზნიჩენკო იუწყება.

მისი თქმით, ამ დრომდე ნანგრევებიდან ორი დაღუპულის ცხედარი ამოიყვანეს.

„ნიკოპოლში ახლახან მაშველებმა სახლის ნანგრევებიდან ორი დაღუპულის ცხედარი ამოიყვანეს. ერთი დაშავებული ქალი საავადმყოფოშია გადაყვანილი“, - წერს ვალენტინ რეზნიჩენკო.

მისი თქმით, რუსმა სამხედროებმა დილით, საერთო ჯამში, „გრადებიდან“ 53 რაკეტა გაისროლეს.