ბრიტანეთის თავდაცვის უწყება - რუსეთი უკრაინაში კერძო სამხედრო კომპანია „ვაგნერს“ იყენებს

გაერთიანებული სამეფოს თავდაცვის სამინისტრომ განაცხადა, რომ რუსეთი უკრაინაში კერძო სამხედრო კომპანია „ვაგნერს“ იყენებს.

„რუსეთმა იყენებს კერძო სამხედრო კომპანია „ვაგნერს“ ფრონტის ხაზის ძალების გასაძლიერებლად და პერსონალის დანაკლისისა და მსხვერპლის შესამსუბუქებლად.

ვაგნერმა, თითქმის დანამდვილებით, ცენტრალური როლი შეასრულა ბოლო ბრძოლაში, მათ შორის პოპასნიასა და ლისიჩჩანსკის დაპყრობაში. ამ ბრძოლამ ჯგუფს დიდი მსხვერპლი მიაყენა“, - აღნიშნულია გაერთიანებული სამეფოს თავდაცვის სამინისტროს ანგარიშში.

უწყების შეფასებით, „ვაგნერი“ აუარესებს პირადი შემადგენლობის დაკომპლექტების სტანდარტებს, ქირაობს მსჯავრდებულებს და შავ სიაში შეყვანილ პირებს, რაც, დიდი ალბათობით, იმოქმედებს ჯგუფის მომავალ ოპერატიულ ეფექტურობაზე.

„ვაგნერის“ ხელმძღვანელი, ევგენი პრიგოჟინი, ახლახან გახდა რუსეთის ფედერაციის გმირი ლუგანსკში „ვაგნერის“ მიერ განხორციელებული ქმედებების გამო. ეს, იმ დროს, როდესაც რამდენიმე ძალიან მაღალი რანგის რუსი სამხედრო მეთაური იცვლება, სავარაუდოდ გაამწვავებს უკმაყოფილებას სამხედროებსა და „ვაგნერს“ შორის. ეს ასევე, სავარაუდოდ, უარყოფითად იმოქმედებს რუსი სამხედროების საბრძოლო სულისკვეთებაზე“, - აცხადებენ ბრიტანეთის თავდაცვის უწყებაში.

ზურაბ ბატიაშვილი - საქართველოს მთავარი პრობლემა იმაშია, რომ საბჭოთა კავშირი იურიდიულად 31 წლის წინ კი დაიშალა, მაგრამ მენტალური საბჭოთა კავშირი ისევ აქაა და არსად წასულა
ქართული პრესის მიმოხილვა 15.08.2022
ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
უკრაინულმა კრიპტოვალუტის ბირჟამ WhiteBIT საკუთარი ტოკენის გაშვების შესახებ გამოაცხადა
ბაზისბანკის ფინანსური ჩართულობით, ახალგაზრდობის საერთაშორისო დღისადმი მიძღვნილი კონკურსის ფინალური შეხვედრა გაიმართა