რუსმა ოკუპანტებმა ოდესის ოლქზე „კალიბრის“ ტიპის ფრთოსანი რაკეტებით თავდასხმა განახორციელეს, - ინფორმაციას უკრაინული მედია ოპერატიულ სარდლობა „სამხრეთზე“ დაყრდნობით ავრცელებს.

„მტერი ღამით ოდესის ოლქს რაკეტებით დაესხა თავს. შავი ზღვიდან გასროლილი „კალიბრის“ ტიპის 7 ფრთოსანი რაკეტა. 1 მათგანი საჰაერო თავდაცვის ძალებმა ჩამოაგდეს, 6 - მშვიდობიან სოფელში მოხვდა", - ნათქვამია ანგარიშში.

მათივე ცნობით, დარტყმის შედეგად დაინგრა 3 კერძო სახლი და 2 ნაგებობა. დაზიანდა კიდევ რამდენიმე კერძო საკუთრება, ავტომობილი, სკოლა და კულტურის ცენტრი.

თავდასხმის შედეგად დაშავდა 6 ადამიანი, მათ შორის 1 ბავშვი.