სამხრეთით, მიკოლაივის ოლქის სნიგირევკას რაიონში უკრაინის შეიარაღებული ძალების ავიაციამ საბრძოლო მასალის საწყობსა და საოკუპაციო ძალების პირად შემადგენლობას დაარტყა, - ამის შესახებ „სამხრეთის“ ოპერატიული სარდლობა იტყობინება.

მათივე ცნობით, გასული დღის განმავლობაში უკრაინის შეიარაღებულმა ძალებმა სამხრეთ ფრონტზე 65 რუსი ოკუპანტი გაანადგურეს. გარდა ამისა, საოკუპაციო ჯარების ერთი დღის დანაკარგები მოიცავს : ერთ კომპლექსურ საკომუნიკაციო მოწყობილობა „Redut-2US“-ს და 11 ერთეულ ჯავშანტექნიკასა და საავტომობილო ტექნიკას.

უკრაინის შეიარაღებულმა ძალებმა ასევე დაარტყეს რუსული იარაღისა და აღჭურვილობის და საბრძოლო მასალის საწყობს რაისკოეს დასახლების მახლობლად დასაბრძოლო მასალის საცავს ბერისლავთან ახლოს. ეს ობიექტები განადგურებულია, ოკუპანტების დანაკარგები კი ზუსტდება.

ამასთან, ოპერატიული სარდლობა „სამხრეთის“ ცნობით, შავ ზღვაში „კალიბრის“ ტიპის 16 რაკეტით აღჭურვილი 2 ხომალდი და 4 დიდი სადესანტო ხომალდია განლაგებული.