რუსები თითქმის განუწყვეტლივ ბომბავენ როგორც ლუგანსკის ოლქს, ასევე დონეცკის ოლქის დასახლებულ რაიონებს, - ამის შესახებ ლუგანსკის ოლქის გუბერნატორი, სერჰი გაიდაი „ტელეგრამში“ იუწყება.
მისი თქმით, „დღის განმავლობაში ოკუპანტები ერთდროულად ოთხი მიმართულებით ცდილობდნენ თავდასხმის განხორციელებას“.
ამასთან, სერჰი გაიდაი აცხადებს, რომ რუსეთი დონბასის ოკუპირებულ ტერიტორიებზე იძულებით მობილიზაციას ახორციელებს.
„ოკუპირებულ ტერიტორიებზე ისინი უკვე ახორციელებენ ყველას მობილიზაციას, ვისაც კი ხედავენ. კრიმინალური მუხლებით გასამართლებულ პატიმრებსაც კი აგზავნიან ფრონტზე“, - აცხადებს გუბერნატორი.