უკრაინელი ბავშვები, რომლებმაც ომის გამო კიდურები დაკარგეს, სამკურნალოდ ამერიკის შეერთებულ შტატებში გაემგზავრებიან

უკრაინელი ბავშვები, რომლებმაც ომის გამო კიდურები დაკარგეს, სამკურნალოდ ამერიკის შეერთებულ შტატებში გაემგზავრებიან. ამის შესახებ უკრაინის პირველმა ლედიმ ელენა ზელენსკამ „ტელეგრამის“ გვერდზე განაცხადა.

"დღეს ინიციატორებთან ერთად - ვაშინგტონში უკრაინულ სახლთან და აშშ-ში უკრაინის საელჩოსთან ერთად - ამერიკულ ბიზნეს საზოგადოებას, დიპლომატიურ კორპუსსა და უკრაინული დიასპორის წარმომადგენლებს წარვუდგინე პროთეზირების პროგრამა. მადლობა გადავუხადე ინიციატივისთვის, რომელიც საშინელება და ტანჯვაგამოვლილ ჩვენს ბავშვებს აძლევს არა მხოლოდ ფიზიკური აღდგენის საშუალებას, არამედ ამგვარად ბავშვები იღებენ ღირსეული, უბარიერო ცხოვრების შესაძლებლობას“,- განაცხადა ზელენსკამ.

პრეზიდენტის მეუღლის თქმით, უკრაინის სახლი და საელჩო აგროვებენ ინფორმაციას ნაღმზე აფეთქების შედეგად დაჭრილ ბავშვებზე. სამედიცინო დაწესებულების განსაზღვრის შემდეგ, რომელიც მიიღებს ოჯახს შეერთებულ შტატებში, მოეწყობა ვიდეო კონფერენციები უკრაინელ და ამერიკელ ექიმებს შორის ბავშვის მოსამზადებლად და ტრანსპორტირებისთვის.

„მჯერა, რომ ერთად ჩვენ დავუბრუნებთ ბავშვებს ბავშვობას, რომელიც მათ რუსებმა წაართვეს. შესაძლებლობა ითამაშონ ფეხბურთი, დახატონ, ჩაეხუტონ. მჯერა, რომ გავიმარჯვებთ ომში უკრაინელი ბავშვებისთვის“, - განაცხადა ზელენსკამ.

ანდრო გოცირიძე - პოლიტიკური სარგებლის მიღების მიზნით, მმართველი პარტია არ ერიდება მოსახლეობის დაპირისპირებას, პოლარიზაციის გაღვივებას და აღვირახსნილ ანტიდასავლურ კამპანიასაც კი
მამუკა ხაზარაძე - ცვლილებების დროა! ხელისუფლება, რომელიც ემსახურება რუსეთს, უნდა დასრულდეს! „ლელო“ ემსახურება საქართველოს!
ქართული პრესის მიმოხილვა 28.03.2024
„გავერთიანდეთ ჩვენი გმირებისთვის“ - სილქნეტი დაჭრილ მებრძოლთა თანადგომის ფონდის საქმიანობის ანგარიშს აქვეყნებს
საქართველოს უნივერსიტეტი -  iOS LAB Apple ავტორიზებული სასწავლო ცენტრი
საქართველოს თავდაცვის დილემა - რთული არჩევანი რთულ ვითარებაში
ამერიკული სამედიცინო ჰოლდინგი - CooperSurgical-ი საქართველოში ოვამედის ორგანიზებით სამდღიან სემინარს მართავს