რუსული და სეპარატისტული ძალები აგრძელებენ მცირე მასშტაბის თავდასხმებს დონბასის ფრონტის ხაზზე და ასევე უახლოვდებიან უკრაინის სიდიდით მეორე უგლეგორსკის თბოელექტროსადგურს, - ამის შესახებ გაერთიანებული სამეფოს თავდაცვის სამინისტროს ყოველდღიურ ანგარიშშია აღნიშნული.

„რუსეთი პრიორიტეტს ანიჭებს ისეთი მნიშვნელოვანი ეროვნული ინფრასტრუქტურის ხელში ჩაგდებას, როგორიცაა ელექტროსადგურები.

თუმცა, ის, ალბათ, ასევე ცდილობს გაარღვიოს უგლეგორსკი საკვანძო ქალაქების, კრამატორსკისა და სლოვიანსკისკენ წინსვლის მცდელობის მიზნითაც“, - ნათქვამია ანგარიშში.

ცნობისათვის, უკრაინის გენერალური შტაბის ინფორმაციით, რუსი აგრესორები წარუმატებლად ახორციელებდნენ თავდასხმის ოპერაციებს უგლეგორსკის თბოელექტროსადგურის ტერიტორიის დაკავების მიზნით, უკრაინელმა ჯარისკაცებმა მტერი აიძულეს, გაქცეულიყო.