რუსმა ოკუპანტებმა უკრაინაში შეჭრის დაწყების დღიდან 358 ბავშვი მოკლეს, - ინფორმაციას უკრაინის გენერალური პროკურატურა ავრცელებს.
„21 ივლისის დილისთვის არსებული ოფიციალური მონაცემებით, დაიღუპა 358 ბავშვი და დაშავდა 681-ზე მეტი“,- აღნიშნულია ინფორმაციაში.
უწყების ცნობით, გუშინ მოწინააღმდეგის მიერ ხარკოვის მასობრივი დაბომბვის შედეგად 13 წლის ბიჭი დაიღუპა, 15 წლის გოგონა კი დაშავდა.
უკრაინის გენერალური პროკურატურა განმარტავს, რომ დაღუპული და დაშავებული ბავშვების შესახებ მონაცემები საბოლოო არ არის, რადგან გრძელდება მუშაობა დროებით ოკუპირებულ და გათავისუფლებულ ტერიტორიებზე აქტიური საომარი მოქმედებების ადგილებზე.