კიროვოგრადის ოლქში რუსეთის მიერ განხორციელებული სარაკეტო თავდასხმის შედეგად დაზიანდა აეროდრომი და „უკრზალიზნიცის“ ერთ-ერთი ობიექტი, არიან დაღუპულები და დაშავებულები, - ამის შესახებ კიროვოგრადის საოლქო სამხედრო ადმინისტრაციის ხელმძღვანელი, ანდრია რაიკოვიჩი „ტელეგრამზე“ იუწყება.
„მტერმა „კანატოვოს“ სამხედრო აეროდრომს და „უკრზალიზნიცის“ ერთ-ერთ ობიექტს დაარტყა. არიან დაღუპულები და დაშავებულები“, - აცხადებს რაიკოვიჩი.
მისი თქმით, ადგილზე მობილიზებულია სამაშველო ბრიგადები.
რაიკოვიჩი აცხადებს, რომ რუსებმა ოლქს 13 რაკეტით დაარტყეს.
უკრაინული მედიის ცნობით, დღეს დილით რუსულმა ძალებმა სარაკეტო თავდასხმა განახორციელეს მიკოლაივზეც, რის შედეგადაც სასაწყობე ფართს ცეცხლი გაუჩნდა.