„ომის შემსწავლელი ინსტიტუტის“ ინფორმაციით, რუსეთის საოკუპაციო ჯარები ზაპოროჟიესა და ხერსონის ოლქებში უკრაინის შეიარაღებული ძალების წინააღმდეგ კონტრშეტევისთვის ემზადებიან.

მათივე ცნობით, საოკუპაციო ხელისუფლება აგრძელებს ოკუპირებული ტერიტორიების რუსეთის ფედერაციასთან ანექსიის პირობების შექმნას და მათზე ადმინისტრაციული კონტროლის გაფართოებას.

ინსტიტუტის განცხადებით, რუსულმა ძალებმა გარკვეულ წინსვლას მიაღწიეს ბახმუტის სამხრეთით, თუმცა ნაკლებად სავარაუდოა, რომ შეძლებენ ამ მიღწევების ეფექტურად გამოყენებას ქალაქის სრული კონტროლისთვის. რუსეთის ჯარებმა ასევე განახორციელეს შეზღუდული სახმელეთო შეტევები ხარკოვის ჩრდილოეთით, სევერსკისა და ბახმუტის აღმოსავლეთით და აღმოსავლეთით.