ხარკოვის დაბომბვის შედეგად სამი ადამიანი დაშავდა, მათ შორის 12 წლის ბიჭი

ხარკოვის ოლქში დერგაჩოვის თემის დაბომბვის შედეგად დაშავდა სამი ადგილობრივი მცხოვრები, მათ შორის 12 წლის ბიჭი. ინფორმაციას დერგაჩევსკის მერი ვიაჩესლავ ზადორენკო ავრცელებს.

„რუსულმა ჯარებმა კვლავ დაბომბეს უკრაინის მიერ კონტროლირებად დერგაჩოვის თემის დასახლებები. პრუდიანკაში საარტილერიო დარტყმების შედეგად სამმა ადგილობრივმა მცხოვრებმა საშუალო და მძიმე დაზიანებები მიიღო. მათ შორის არის 12 წლის ბიჭი“, - აღნიშნა მერმა.

მისივე თქმით, მოხალისეების და ექიმების ოპერატიულობის წყალობით, დაჭრილების სიცოცხლეს საფრთხე არ ემუქრება. მან მოსახლეობას ტერიტორიის დატოვებისაკენ მოუწოდა.

„კიდევ ერთხელ მოვუწოდებ დერგაჩოვის რაიონის მცხოვრებლებს, დატოვონ თემი, გადავიდნენ უსაფრთხო ტერიტორიებზე და არ დაბრუნდნენ სიტუაციის დასტაბილურებამდე“, - აღნიშნა მერმა.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს