უკრაინის დაზვერვამ ოკუპირებული ელენოვკის მიმართულებით, სადაც უკრაინელი სამხედრო ტყვეები დაიღუპნენ, საარტილერიო დაბომბვა დააფიქსირა

უკრაინის დაზვერვამ ელენოვკის მიმართულებით, სადაც კრემლის პროპაგანდისტების მტკიცებით 40-ზე მეტი უკრაინელი სამხედრო ტყვე დაიღუპა, საარტილერიო დაბომბვა დააფიქსირა. ამის შესახებ ინფორმაციას „უკრაინსკაია პრავდა“ წყაროზე დაყრდნობით ავრცელებს.

ამასთანავე, წყარომ ჟურნალისტებს განუცხადა, რომ რამდენიმე დღის წინ უკრაინელი ტყვეები სწორედ იმ ადგილას გადაიყვანეს, რომელზეც დღეს დილით საარტილერიო თავდასხმა განხორციელდა.

„ეს იყო ბარაკი, სადაც „აზოვის“ მებრძოლები იყვნენ, ისინი აქ დაბომბვამდე რამდენიმე დღით ადრე გადმოიყვანეს, ჩვენ ჯერ ვერ ვიგებთ ამ გადაყვანის მიზეზის“,- განაცხადა წყარომ.

ცნობისთვის, დონეცკის ოლქის ოკუპირებული ნაწილის პრორუსულმა „ბოევიკებმა“ 40-ზე მეტი უკრაინელი სამხედრო ტყვის გარდაცვალების შესახებ განაცხადეს, რომლებიც ოკუპირებული ელენოვკას კოლონიაში იყვნენ განთავსებულები.

თენგიზ ფხალაძე - რუსეთის ყველა უკანონო ნაბიჯი მოითხოვს რეაგირებას, მოსკოვმა უნდა გადაიხადოს პოლიტიკური ფასი საქართველოს წინააღმდეგ ჩადენილი ყველა დანაშაულისათვის, დუმილით კი ამას ვერ მივაღწევთ
ქართული პრესის მიმოხილვა 08.08.2022
კახა ოქრიაშვილი აგვისტოს ომის მე-14 წლისთავთან დაკავშირებით განცხადებას ავრცელებს