უკრაინის გენშტაბი - რუსებმა ელენოვკაში, სადაც უკრაინელი ტყვეები იმყოფებოდნენ, საარტილერიო დაბომბვა განახორციელეს - მათი მიზანი იყო დაედანაშაულებინათ უკრაინა და დაეფარათ ტყვეების წამებისა და სიკვდილით დასჯის ფაქტები

უკრაინული მხარე ოკუპირებული ელენოვკას კოლონიაზე თავდასხმის ბრალდებას უარყოფს. უკრაინის შეიარაღებული ძალების გენერალური შტაბის ინფორმაციით, სეპარატისტების მიერ დაკავებულ ტერიტორიაზე არსებულ ციხეზე უკრაინის თავდასხმის შესახებ რუსული მხარის მიერ გავრცელებული ინფორმაცია სიმართლეს არ შეესაბამება.

„რუსეთის ფედერაციის შეიარაღებულმა ძალებმა დონეცკის ოლქის ელენოვკას დასახლებაში, სადაც ასევე უკრაინელი ტყვეები იმყოფებოდნენ, სასჯელაღსრულების დაწესებულების მიზნობრივი საარტილერიო დაბომბვა განახორციელეს. ამ გზით რუსი ოკუპანტები ახორციელებდნენ თავიანთ დანაშაულებრივ მიზნებს - დაედანაშაულებინათ უკრაინა "ომის დანაშაულების" ჩადენაში, ასევე დაეფარათ ტყვეების წამებისა და სიკვდილით დასჯის ფაქტები", - ნათქვამია განცხადებაში.

ცნობისთვის, ცოტა ხნის წინ დონეცკის ოლქის ოკუპირებული ნაწილის პრორუსულმა მებრძოლებმა 40-ზე მეტი უკრაინელი სამხედრო ტყვის გარდაცვალების შესახებ განაცხადეს, რომლებიც ელენოვკას კოლონიაში იყვნენ განთავსებულები.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა