გია ვოლსკი - დახურული კონსულტაციები ყველა შემთხვევაში მიღებულია, ქართულ-ამერიკულ ურთიერთობაში აუცილებელიცაა, მაგრამ კითხვებს წარმოშობს, როცა შემდეგ უცნაური პროცესები ვითარდება
დახურული კონსულტაციები ყველა შემთხვევაში მიღებულია, ქართულ-ამერიკულ ურთიერთობაში აუცილებელიც არის, მაგრამ კითხვებს წარმოშობს, როცა კონსულტაციების შემდეგ გარკვეული უცნაური პროცესები ვითარდება, - ეს განცხადება ჟურნალისტებთან პარლამენტის ვიცე-სპიკერმა გია ვოლსკიმ გააკეთა.
მისივე თქმით, უცნაურია პროცესები, როცა რადიკალური ოპოზიცია გააქტიურდა და დაიწყო საუბარი ბიძინა ივანიშვილის, მოსამართლის სანქცირებაზე და სახელმწიფო გადატრიალებაზე.
ვოლსკიმ ხაზგასმით აღნიშნა, რომ “აქ შეკითხვებიც არსებობს და თხოვნაც, რომ აშშ-ს საელჩო პოზიციების გამოხატვაში უფრო მკაფიო იყოს“.
„დიპლომატიურ სამსახურში დიდი ხანი ვმუშაობდი - აშშ-ში ათი წლის განმავლობაში. უამრავ საკითხზე გვქონია საუბარი ორმხრივ თუ მრავალმხრივ ფორმატში. საგანგებო მნიშვნელობის საკითხებზე მსჯელობაში მიმიღია მონაწილეობა, მაგრამ როდესაც ამ მსჯელობას გარკვეული პროცესები მოსდევს თან: - მაგალითად, “ნაციონალური მოძრაობასა“ და რადიკალურ ოპოზიციაში ატეხილი ჟივილ-ხივილი, რომ მოსამართლეს სანქციები დაადეს, ბიძინა ივანიშვილს სანქციებს ადებენ, საქართველო სანქციების გარეშე არ გადარჩება, მთავრობის გადატრიალება მოხდება და ამას წინ კონსულტაციები უძღოდა, რომელიც მართლაც დახურულ ფორმატში უნდა იმართებოდეს - რა საკვირველია, ეს გარკვეულ შეკითხვებს წარმოშობს.
ამის იქეთ განცხადების გაკეთებას არ ვაპირებ“, - განუცხადა ჟურნალისტებს გია ვოლსკიმ.
v-if="article.gallery" v-html="article.gallery"
