უკრაინულმა და რუსულმა მხარეებმა ე.წ. დონეცკის სახალხო რესპუბლიკაში, საპატიმროზე განხორციელებული თავდასხმის თაობაზე სისხლის სამართლის საქმე აღძრეს

რუსეთმა და უკრაინამ ორივემ სისხლის სამართლის საქმე აღძრეს ე.წ. დონეცკის სახალხო რესპუბლიკაში, საპატიმროზე განხორციელებული თავდასხმის თაობაზე, რასაც სულ მცირე 40 უკრაინელი სამხედრო ტყვე ემსხვერპლა.

საინფორმაციო სააგენტო „როიტერსის“ ცნობით, უკრაინის გენერალურმა პროკურატურამ აღნიშნულზე წინასწარი გამოძიება დაიწყო.

უწყების განცხადებით, ოკუპანტებმა იერიში მიიტანეს 120-ე გამოსასწორებელი კოლონიის ტერიტორიაზე, რა დროსაც ასევე 130 ადამიანი დაშავდა.

მხარეები რუსეთის მიერ მხარდაჭერილი სეპარატისტების მიერ კონტროლირებად ტერიტორიაზე განხორციელებულ თავდასხმაში ერთმანეთს ადანაშაულებენ.

ე.წ. დონეცკის სახალხო რესპუბლიკის სამხედრო ძალებმა „ტელეგრამის“ არხზე განაცხადეს, რომ რუსეთის საგამოძიებო კომიტეტმა სისხლის სამართლის საქმე 356-ე მუხლით აღძრეს. მათი თქმით, ე.წ. დონეცკის სახალხო რესპუბლიკის სოფელ ოლენივკას წინასწარი დაკავების ცენტრზე იერიში უკრაინელმა ნაციონალისტებმა განახორციელეს.

რუსეთის საგამოძიებო კომიტეტი აცხადებს, რომ მიიღებს ზომებს მომხდარის ყველა გარემოებისა და ამ დანაშაულში მონაწილე უკრაინელი ნაციონალისტების დასადგენად.

ემილ ავდალიანი - ყველაფერი რეგიონში საქართველოს უფრო მზარდ როლზე მოასწავებს, საჭიროა მხოლოდ შექმნილი ვითარების სწორად გამოყენება
ქართული პრესის მიმოხილვა 18.08.2022
ალექსეი გარანი - პუტინს უნდა რომ უკრაინა დათმობებზე წავიდეს, მაგრამ უკრაინა მშვიდობის სანაცვლოდ, ქვეყნის ტერიტორიულ მთლიანობასთან დაკავშირებული საკითხებით ვაჭრობას არ აპირებს
„ევროპელი სოციალისტების” წევრები, დავით ზილფიმიანი და ზაზა მიქაძე ერთობლივ განცხადებას ავრცელებენ
კომპანია PSP ფარმაცევტული სექტორის განვითარებაზე კონცენტრირდება და არაპროფილური ბიზნესებიდან გამოდის
კახა ოქრიაშვილი - საერთაშორისო იზოლაცია, უვიზო მიმოსვლის შეჩერება, ტოტალური გაღატაკება - აი, ეს მოაქვს ბატონ ივანიშვილს
გავლენიანმა საერთაშორისო ბიზნეს გამოცემა Global Finance-მა 2022 წლის გამარჯვებულები გამოავლინა