უკრაინელი ოფიციალური პირის ინფორმაციით, ხერსონის რეგიონში ოკუპანტებისგან 46 დასახლება გათავისუფლებულია

ხერსონის რეგიონული სამხედრო ადმინისტრაციის ხელმძღვანელის მოვალეობის შემსრულებელ დმიტრო ბუტრის ინფორმაციით, ხერსონის რეგიონში 46 დასახლება გათავისუფლებულია, მაგრამ რუსული ძალების მუდმივი დაბომბვის ქვეშ რჩება. ამის შესახებ ინფორმაციას უკრაინული მედია ავრცელებს.

"ხერსონის რეგიონში სულ 46 დასახლებული პუნქტი უკვე დეოკუპირებულია. ნამდვილად, არის სოფლები, რომლებიც პრაქტიკულად 90%-ით დანგრეულია. ისინი მტრის უწყვეტი ცეცხლის ქვეშ რჩებიან", - განაცხადა ბუტრიმ.

მისივე თქმით, ასევე განადგურებულია ელექტროენერგიის ქსელები, წყალმომარაგებისა და გაზმომარაგების სისტემები. ბუტრიმ აღნიშნა, რომ ხერსონის რეგიონში ვითარება კრიტიკულია.

მედიის ცნობით, გათავისუფლებული დასახლებების უმეტესობა ხერსონის რეგიონის ჩრდილოეთით, დნეპროპეტროვსკის ოლქის საზღვართან მდებარეობს.

ეკატერინე ციმაკურიძე - სასამართლოსა და პროკურატურის რეფორმისთვის რეალური ნაბიჯების გადაუდგმელად ევროინტეგრაცია ვერ მოხდება, თუნდაც სხვა ყველა საკითხი შესრულდეს
ქართული პრესის მიმოხილვა 11.08.2022
გიორგი კუნაძე - რუსეთის რეჟიმის  კრახი გარდაუვალია, დღეს უკვე ცხადად ჩანს, რომ ეს მხოლოდ დროის საკითხია
საქართველოს უძრავი ქონების პირველად ბაზარზე ფასების ცვლილების დინამიკა 2022 წლის ზაფხული (R)
სს ლიბერთი ბანკის საცალო საბანკო საქმის მიმართულების დირექტორად თორნიკე კორძაია დაინიშნა
USAID-ის პროგრამის ,,დამსაქმებლები პროფესიული განათლებისთვის’’ და  ,,ტრანსფორდის“ ერთობლივი ინიციატივით 43 ადამიანი დასაქმდა