რუსეთის უზენაესი სასამართლოს მიერ „აზოვის“ პოლკის ტერორისტულ ორგანიზაციად გამოცხადებას „აზოვი“ გამოეხმაურა.
მათი განცხადებით, უზენაესი სასამართლოს აღნიშნული გადაწყვეტილება რუსეთის მიერ ჩადენილი სამხედრო დანაშაულების გამართლებისკენ გადადგმული ნაბიჯია.
ამასთან, „ტელეგრამის“ გვერდზე გავრცელებული განცხადების თანახმად, „აზოვი“ამერიკის შეერთებული შტატების სახელმწიფო დეპარტამენტს მოუწოდებს, უკრაინაში შეჭრის შემდეგ რუსეთის მიერ ჩადენილი სამხედრო დანაშაულების საპასუხოდ ის „ტერორისტულ სახელმწიფოდ“ გამოაცხადოს.
ცნობისთვის, დღეს რუსეთის უზენაესმა სასამართლომ „აზოვის“ პოლკი ტერორისტულ ორგანიზაციად აღიარა და რუსეთის ტერიტორიაზე მისი მოქმედება აკრძალა.