პრეზიდენტმა ვლადიმირ ზელენსკიმ რუსეთის ფედერაციის შეიარაღებული აგრესიის შედეგად მიყენებული ზარალის ანაზღაურების თაობაზე შეხვედრა გამართა. ამის შესახებ პრეზიდენტის ადმინისტრაციის პრესსამსახურში განაცხადეს.

სახელმწიფოს მეთაურმა აღნიშნა, რომ რუსული შემოჭრით მიყენებული ზარალის ანაზღაურების საკითხი არის პასუხისმგებლობის მნიშვნელოვანი ელემენტი, რომელიც აგრესორ სახელმწიფოს უნდა დაეკისროს.

ცნობილია, რომ კომპენსაციის მექანიზმის შექმნისა და დანერგვის მიზნით, ზელენსკიმ ჩამოაყალიბა სპეციალური სამუშაო ჯგუფი, რომელის თავმჯდომარეც პრეზიდენტის ოფისის ხელძღვანელი ანდრეი ერმაკი იქნება. სამუშაო ჯგუფის შემადგენლობაში მინისტრთა კაბინეტის წარმომადგენლები და წამყვანი უკრაინელი და უცხოელი საერთაშორისო იურისტები შევლენ.

შეხვედრის მონაწილეებმა უკრაინის სასარგებლოდ რუსეთის ფედერაციის აქტივების იძულებით ჩამორთმევის შესახებ მოლაპარაკების პროცესის მიმდინარეობა და ამ მიმართულებით ნაბიჯების კოორდინაცია განიხილეს.