„ქართულ ოცნებაში“ არ გამორიცხავენ, რომ ცესკო-ს თავმჯდომარის არჩევის წესი კიდევ ერთხელ გადაიხედოს და „პრეზიდენტის პოლიტიკურ გადაწყვეტილებას მათი  პოლიტიკური გადაწყვეტილება შეაგებონ“

მმართველ გუნდში ცესკო- ს თავმჯდომარის არჩევის წესში ცვლილებებს და ამ მიმართულებით საარჩევნო კანონმდებლობის კიდევ ერთხელ გადახედვას არ გამორიცხავენ.

როგორც საპროცედურო საკითხთა და წესების კომიტეტის თავმჯდომარე ირაკლი ქადაგიშვილმა ცესკო-ს თავმჯდომარის 2/3- ით არჩევის წესთან დაკავშირებით "ინტერპრესნიუსს" განუცხადა, „ზოგიერთი თავსმოხვეული კანონი მანკიერია“.

„ჩვენ დავინახეთ, რამდენად მანკიერია ის თავზე მოხვეული ზოგიერთი კანონი, რომელიც 2020 წლის არჩევნების შემდეგ იქნა მიღებული. 2/3- ით ადამიანის თანამდებობაზე განმწესება არის აბსოლუტურად არაეფექტური და ამის მომსწრე ვართ ყველანი დღეს. რაც შეეხება პრეზიდენტის გადაწყვეტილებას, ეს არის უკიდურესად პოლიტიკურად მოტივირებული გადაწყვეტილება, რომელსაც არანაირი ობიექტური დასაბუთება არ აქვს, რადგან ადამიანმა, რომელიც იქნა არჩეული დროებითად, ჩაატარა არჩევნები ისე, რომ ყველა საერთაშორისო დამკვირვებლის მიერ მისი საქმიანობა და საარჩევნო კომისიების საქმიანობა შეფასებულ იქნა უმაღლეს დონეზე და ასეთ ადამიანს უარს ეუბნებიან კონკურსში გასვლაზეც კი. აქედან გამომდინარე, პოლიტიკურ გადაწყვეტილებას ჩვენ ჩვენს პოლიტიკურ გადაწყვეტილებას შევაგებებთ.

ჩვენ ვითხოვთ ხოლმე ყოველთვის ერთ რამეს, მოდით, ევროკომისიამ და იგივე ევროპარლამენტმა რეკომენდაცია გაუწიოს ხოლმე ისეთი კანონის მიღებას, რაც მათ ქვეყნებში მაინც მოქმედებს. რატომ უნდა იყოს საქართველოში ისეთი კანონი, რომელიც მსოფლიოს არც ერთ ქვეყანაში არ არის? რატომ გვეუბნებიან, რომ ისეთი კანონი მივიღოთ, რომელიც ევროკავშირის არც ერთ ქვეყანაში არ არის, რატომ?!"- განაცხადა ქადაგიშვილმა.

კითხვაზე, შეიძლება თუ არა, რომ ცესკო- ს თავმჯდომარის არჩევის მოქმედი წესი შეიცვალოს, ქადაგიშვილი აცხადებს, რომ ამაზე ალბათ, იმსჯელებენ.

„არ ვიცი. ამაზე ალბათ, იქნება მსჯელობა. ზოგადად მიმაჩნია, რომ ეს 2/3 თავიდან ბოლომდე ეწინააღმდეგება დემოკრატიული არჩევანის პრინციპს,“ - განაცხადა ქადაგიშვილმა.

შეგახსენებთ, მოქმედი კანონმდებლობით, კონკურსის წესით გამოვლენილ, ცესკო- ს თავმჯდომარის და პროფესიული წევრების კანდიდატურებს პრეზიდენტი ასარჩევად პარლამენტს წარუდგენს. პლენარულ სხდომაზე კენჭისყრა თავდაპირველად 2/3 - იანი კვორუმით ტარდება. იმ შემთხვევაში, თუკი ცესკო- ს თავმჯდომარისა და წევრების 2/3- ით არჩევა ვერ ხდება, კენჭი მათ სრული შემადგენლობის უმრავლესობით ეყრება. 2/3- იანი კვირუმით არჩეული ცესკო- ს თავმჯდომარე თანამდებობას 5 წლიანი ვადით იკავებს, ხოლო უბრალო უმრავლესობით დამტკიცებული - 6 თვის ვადით. აღსანიშნავია, რომ ცესკო- ს დაკომპლექტების არსებული მოდელი შარლ მიშელის შეთანხმების ნაწილია.

ბადრი ბელქანია - უკრაინაში რუსეთის წინააღმდეგ ქართველები სოლიდარობის გარდა იმის გამოც იბრძვიან, რომ მათთვის ამ ომში რუსეთის მარცხი არის შესაძლებლობა საკუთარი ხალხის ბრძოლას დაეხმარონ
ქართული პრესის მიმოხილვა 05.12.2022
„ნიკორამ“ 35 მლნ ლარის ობლიგაციები წარმატებით განათავსა - კომპანია მიღებული ფინანსური რესურსის გამოყენების შესახებ
ბაზისბანკი კაპიტალს 27 მილიონი ლარით ზრდის
როგორ ჩაიარა წელს ზამთრის ყველაზე ჯადოსნურმა გამოფენამ, რომელსაც ქალთა საერთაშორისო ასოციაცია დაარსების დღიდან, ყოველწლიურად აწყობს
შეიძინე კერძო სახლი საუკეთესო შეთავაზებით
იშოპინგე VELI.store-ზე და დახარჯე შენი დრო შენთვის
შეუდარებელი „ბოტანიკო“ საახალწლო აქციის ფარგლებში ბინების ფასდაკლებით შეძენას და საჩუქარს გთავაზობთ
კახა ოქრიაშვილი: „ოცნებას“ უკრაინაში გამარჯვების შემდეგ ქართველი პატრიოტების საქართველოში დაბრუნების ეშინია!“
ახალი შესაძლებლობა IT სფეროს წარმომადგენლებისთვის - "Devexperts" უკვე საქართველოშია
2022 წლის საუკეთესო ამერიკული არქიტექტორული კომპანია ბათუმის ხელოვნურ კუნძულზე შენობას დააპროექტებს
როგორ შევარჩიოთ საახალწლო საჩუქარი