უკრაინის შეიარაღებულმა ძალებმა 50 თურქული ჯავშანტრანსპორტიორი Kirpi მიიღო, - ინფორმაციას უკრაინული მედია ქვეყნის შეიარაღებული ძალების ოპერატიული ჯგუფ „კახოვკაზე“ დაყრდნობით ავრცელებს.

„ჩვენს სამხედროებს მხარს უჭერენ უცხოელი პარტნიორები. მთელ მსოფლიოს უნდა, რომ უკრაინამ დაამარცხოს სასტიკი მტერი. უკრაინის შეიარაღებულ ძალებს ახალი თურქული ჯავშანტრანსპორტიორები BMC Kirpi გადაეცა“, – აცხადებენ ოპერატიულ სარდლობაში.

მათივე ცნობით, უახლოეს მომავალში მოსალოდნელია უკრაინისთვის ამ ჯავშანტრანსპორტიორების კიდევ ერთი პარტიის, 150 ერთეულის მიწოდება.