ყირიმის დასავლეთ სანაპიროზე რამდენიმე აფეთქება მოხდა.
„რია ნოვოსტის“ ინფორმაციით, ამის შესახებ ე.წ. რესპუბლიკის მეთაურის მრჩეველმა ოლეგ კრიუჩკოვმა განაცხადა.
„ჯერჯერობით, შემიძლია მხოლოდ დავადასტურო რამდენიმე აფეთქების ფაქტი ნოვოფედოროვკას რაიონში. ყველას ვთხოვ, დაელოდონ ოფიციალურ შეტყობინებებს და არ გამოაქვეყნონ ვერსიები", - დაწერა მან “ტელეგრამის” არხზე.
ადგილზე გაემგზავრა რეგიონის ხელმძღვანელი სერგეი აქსენოვი.
სოციალურ ქსელში კვამლის ამსახველი ფოტოები და ვიდეოები გავრცელდა. აფეთქებების ფაქტს ადასტურებენ ადგილზე მყოფი დამსვენებლებიც.
"პირველი აფეთქება ძალიან ძლიერი იყო. ჩვენს სასადილო ოთახში ფანჯრის ჩარჩოები ჩამოცვივდა. შემდეგ სარდაფში გადაგვიყვანეს და იქიდან ხმები ყრუდ ისმოდა", - განაცხადა ინციდენტის ერთ-ერთმა თვითმხილველმა.
ნოვოფიოდოროვსკის რაიონში განთავსებულია სამხედრო ნაწილი და სამხედრო აეროდრომი.