მტერი აგრძელებს სარაკეტო და საარტილერიო დაბომბვას და საჰაერო დარტყმების განხორციელებას სამხრეთ უკრაინაში. ამის შესახებ ოპერატიულ სარდლობა „სამხრეთში“ აცხადებენ.

მათივე ცნობით, 13 აგვისტოს ოკუპანტებმა ნიკოლაევის პორტის ინფრასტრუქტურას დაარტყეს.

“ ”ურაგანის” მრავალჯერადი სარაკეტო სისტემის სამი რაკეტა ნიკოლაევის პორტის ინფრასტრუქტურას მოხვდა. ადამიანური დანაკარგი არ მოჰყოლია. ერთი საათის შემდეგ, „სმერჩის“ მრავალჯერადი სარაკეტო სისტემიდან ექვსი რაკეტა მოხვდა ქალაქის საცხოვრებელ უბნებსა და სამრეწველო ობიექტებს. დაზიანდა რამდენიმე შენობა, დაშავდა ერთი მშვიდობიანი მოქალაქე“, - აცხადებენ ოპერატიულ სარდლობაში.

გარდა ამისა, ხერსონისა და დნეპროპეტროვსკის ოლქების ადმინისტრაციული საზღვრის გასწვრივ ოკუპანტებმა საარტილერიო ცეცხლი გახსნეს.

„ჭურვები სასოფლო-სამეურნეო ტერიტორიებს მოხვდა. არანაირი დანაკარგი ან დაზიანება არ დაფიქსირებულა", - აცხადებენ ოპერატიულ სარდლობაში.