კრამატორსკის მიმართულებით ივანო-დარიევკას რაიონში მძიმე ბრძოლები მიმდინარეობს. ამის შესახებ უკრაინის შეიარაღებული ძალების გენერალური შტაბი იუწყება.

მათივე ცნობით, კრამატორსკის მიმართულებით რუსმა ოკუპანტებმა ავიადარტყმები განახორციელეს სპორნოეს მახლობლად.

"შეტევითი მოქმედებებით, მტერი ცდილობდა გაეუმჯობესებინა ტაქტიკური პოზიცია სპორნოესთან, მაგრამ წარმატებას ვერ მიაღწია და უკან დაიხია. ივანო-დარიევკას რაიონში საომარი მოქმედებები გრძელდება", - აღნიშნულია ინფორმაციაში.

ამასთან, მტერი შეტევას ახორციელებს პავლოვკას რაიონშიც, ბრძოლა გრძელდება.

„ნოვოპავლოვსკისა და ზაპოროჟიეს მიმართულებებით ოკუპანტები არ წყვეტენ დაბომბვას ქვემეხებიდან, სარაკეტო არტილერიიდან და ტანკებიდან კონტაქტის ხაზის გასწვრივ. მტერმა გამოიყენა ავიაცია პრეჩისტოვკასა და უგლედართან. იგი ახორციელებს შეტევას პავლოვკას დასახლების ტერიტორიაზე, საომარი მოქმედებები გრძელდება", - აცხადებენ გენშტაბში.