რუსეთის პრიორიტეტი, ბოლო კვირის განმავლობაში, სამხრეთ უკრაინაში შეტევის გასაძლიერებლად ქვედანაყოფების გადამისამართებაა, - ამის შესახებ გაერთიანებული სამეფოს თავდაცვის სამინისტროს ინფორმაციაშია აღნიშნული.

უწყების ცნობით, რუსეთის მიერ მხარდაჭერილი თვითგამოცხადებული დონეცკის სახალხო რესპუბლიკის ძალები დონბასში, ქალაქ დონეცკის ჩრდილოეთით თავდასხმის მცდელობებს განაგრძობენ.

„განსაკუთრებით მძიმე ბრძოლები მიმდინარეობს სოფელ პისკისთვის, დონეცკის აეროპორტის მახლობლად“, - ნათქვამია ინფორმაციაში.

უწყების განმარტებით, რუსეთის თავდასხმა, სავარაუდოდ, მიზნად ისახავს M04 ავტომაგისტრალის ხელში ჩაგდებას, რომელიც დასავლეთიდან დონეცკის მთავარი მისადგომია.